Subscrición, pagamento e facturas

Paso a paso

1. A proba de balde dura 30 días. Ao rematar, para seguir usando a plataforma hai que escoller un plan de subscrición.
2. Escolle o plan mensual ou anual e enche os datos de facturación (nome, NIF e enderezo). Na seguinte pantalla, a de Stripe, pagas con tarxeta ou por domiciliación bancaria SEPA introducindo o IBAN da escola. O cobramento é automático cada mes ou cada ano.
3. A subscrición está no círculo «O meu plan» da páxina de inicio (só o ven os donos do centro). Alí, «Xestionar subscrición» permíteche cambiar o método de pagamento, ver o teu plan ou cancelalo, e podes descargar as túas facturas en PDF.

Convén saber

• Non hai permanencia: se cancelas, a subscrición segue activa ata o final do período xa pagado.
• O prezo depende dos alumnos con matrícula vixente, contados o día 15 de cada mes. En «O meu plan», «Ver quen conta» amosa a lista deses alumnos coa súa aula e o fin da matrícula. Se cambias de tramo en dous recontos seguidos, os donos do centro reciben un correo 10 días antes de aplicalo, para poder corrixir matrículas antes: no plan mensual o novo prezo vai desde a seguinte factura e no anual cóbrase a diferenza dos meses que quedan. Os mestres non ven nada disto e nunca se bloquea ningunha matrícula.

Guías relacionadas

• Configurar o centro e a túa conta
• Liberar espazo de almacenamento

← Todas as guías